दिव्य मराठी

                      

 निजामाबाद - पंढरपूर रेल्वेला आजपासून स्लीपर सुविधा

 

िनजामाबाद - पंढरपूर रेल्वेला आजपासून स्लीपर सुविधा

नांदेड | रेल्वेअर्थसंकल्पात सुरू झालेली नांदेड-बिकानेर (साप्ताहिक) गाडी गुुरुवार १९ फेब्रुवारीपासून सुरू होत आहे. केंद्रीय रेल्वे मंत्री सुरेश प्रभू गुुरुवारी सकाळी ११ वाजता दिल्लीहून व्हिडिआे रिमोट लिंकद्वारे या गाडीला हिरवी झेंडी दाखवतील. या वेळी रेल्वेस्थानकावर खासदार अशोक चव्हाण, पालकमंत्री दिवाकर रावते प्रामुख्याने उपस्थित राहणार आहेत. गुुरुवारीनियमित गाडी नांदेड-बिकानेरगाडी (१७६२३) दर गुरुवारी सकाळी वाजता सुटेल. पूर्णा, वाशीम, अकोला, अहमदाबादमार्गे शुक्रवारी रात्री वाजता बिकानेर येथे पोहोचेल. परतीच्या प्रवासात ही गाडी (१७६२४) दर शनिवारी दुपारी ३.४० वाजता बिकानेर येथून सुटेल सोमवारी सकाळी ३.४५ वाजता नांदेड येथे पोहोचेल. या गाडीला द्वितीय श्रेणी वातानुकूलित, तृतीय श्रेणी वातानुकूलित द्वितीय श्रेणी स्लीपर, जनरल आणि एसएलआर असे एकूण १७ डबे असतील, असे वरिष्ठ वाणिज्य व्यवस्थापक नेहा रत्नाकर यांनी प्रसिद्धी पत्रकात म्हटले आहे.

प्रतिनिधी | परभणी

मागीलतीन वर्षांपासून मागणी असलेल्या निजामाबाद - पंढरपूर या दैनंदिन पॅसेंजरला अखेर स्लीपर सुविधा भेटली आहे. गुरुवारपासून (दि. १९) प्रायोगिक तत्त्वावर सहा महिन्यांकरिता एक स्लीपर क्लास डबा जोडण्यात येणार आहे. निजामाबाद - पंढरपूर दैनंदिन पॅसेंजरला स्लीपर कोचची सुविधा देण्यात यावी, या मागणीसाठी मराठवाडा रेल्वे प्रवासी महासंघ आणि अखिल भारतीय वारकरी मंडळाने सिंकदराबाद येथील दक्षिण- मध्य रेल्वे, मध्य रेल्वेचा मुख्य विभाग नांदेड विभागाच्या वरिष्ठ अधिकाऱ्यांना भेटून सातत्याने पाठपुरावा केला होता. त्यास यश आले असून आता या रेल्वेत एकूण १२ डब्यांची सुविधा राहणार आहे. पंढरपूर रेल्वेत वयोवृद्ध तसेच महिला वारकरी प्रवाशांची संख्या जास्त असते, परंतु स्लीपर सुविधा नसल्यामुळे त्यांना अनेक अडचणींना सामोरे जावे लागत असे. या बाबीकडे संघटनांनी रेल्वे प्रशासनाचे लक्ष वेधले. त्यावर ही सुविधा उपलब्ध झाली आहे. स्वातंत्र्यसैनिक प्रभाकर वाईकर, मराठवाडा रेल्वे प्रवासी महासंघाचे अरुण मेघराज, राजेंद्र मुंडे, रवींद्र मुथा यांनी पुढाकार घेतला होता.